30 ივლისს კლუბ "გომართელის" ერთ-ერთ ბარში გაიმართა კომპანია «Herbovital2 s.r.l.» (იტალია) პრეზენტაცია. მისი ორგანიზატორი გახლდათ კომპანიის წარმომადგენლობა საქართველოში, თბილისში - კომპანიის მთავარი მენეჯერის, ქალბატონ ელენე ბურდულაძის სახით და ,,არქიტექტორთა კლუბი". კომპანია «Herbovital2 გახლავთ რიგი წამყვანი ელიტარული საინტერიერო აღჭურვილობის მწარმოებელი იტალიური კომპანიების, ოფიციალური წარმომადგენელი იტალიასა და მთელ რიგ ქვეყნებში, მათ შორის საქართველოშიც. იგი წარმოადგენს ისეთ საყოველთაოდ ცნობილი ბრენდებს, როგორიცაა: Jacuzzi Europe S.p.A. –ჰიდრომასაჟის აბაზანები, საშხაპე კაბინები, მინი ბასეინები; Devon & Devon –ძველი ინგლისური, ვიქტორიანული სტილის ავეჯი და აქსესუარები; Gessi S.p.A. – «Premium» კლასის წყლის შემრევები და აქსესუარები; Antonio Lupi Design S.p.A. – «Minimal de Lux» -ის სტილის ავეჯი და აქსესუარები; Sicis - ხელნაკეთი მაღალმხატვრული დეკორატიული მოზაიკა; Ad-hoc - საინტერიერო რადიატორები;Duka S.p.A. – საშხაპე კაბინები და სხვა მრავალი.
კომპანია «Herbovital2» დაფუძნებულია 1984 წელს. მისი სათაო ოფისი განთავსებულია ქ. ბოლონიაში (იტალია). 1991 წელს რუსეთში ქ.მოსკოვში შეიქმნა რეგიონალური წარმომადგენლობა, ხოლო 1999 წელს ანალოგიური წარმომადგენლობა გაიხსნა ქ. კიევში, უკრაინაში. ამ პერიოდში საინტერიერო ნაწარმის ბაზარზე მიღებულ იქნა დიდი სამუშაო გამოცდილება და დამყარდა ძლიერი პარტნიორული ურთიერთობები ამ სეგმენტში მომუშავე უამრავ წამყვან კომპანიასთან.
პრეზენტაციაზე მიწვეულნი იყვნენ ქართველი არქიტექტორები და დიზაინერები - პროფესიონალები, რომლებიც დღესდღეობით ჩვენს ინტერიერულ რეალობას ქმნიან, მათი ნამუშევრები შესაბამისი ინტენსივობით შუქდება ჟურნალ "სტილში".
ქალბატონმა ელენემ (იგი მუშაობის დიდი გამოცდილებისა და მაღალი კვალიფიკაციის მქონე პროფესიონალია, რომელმაც სწავლება გაიარა იტალიის პარტნიორ საწარმოებში), დეტალურად გააცნო დამსწრე საზოგადოებას კომპანიის საქმიანობა, მის მიერ წარმოებული პროდუქციის სტილური მრავალფეროვნება და მაღალი ხარისხი, აღნიშნა, რომ საქართველოს ტერიტორიაზე მოქმედი წარმომადგენლობის მოღვაწეობა ატარებს განსაკუთრებულად არაკომერციულ საქმიანობას:
- "უპირველეს და ძირითად ჩვენ ამოცანად ითვლება ინტერიერების შექმნის სფეროში მომუშავე სპეციალისტების საინფორმაციო შიმშილის დაკმაყოფილება. ხშირად ხდება, რომ მწარმოებელსა და საბოლოო მყიდველს შორის არსებულ ჯაჭვში შეიძლება იყოს ოთხი-ხუთი შუალედური რგოლი, რომელსაც ფიზიკურად არ შეუძლია მიაწოდოს ამ პროდუქციასთან მომუშავე სპეციალისტს ის ღირებული ინფორმაცია (ხშირად ეს არის ბანალური კატალოგები და ნიმუშები), რომელიც აუცილებელია კარგი ინტერიერის შექმნისათვის"....
.... " ჩვენ განწყობილნი ვართ გრძელვადიან, პარტნიორულ ურთიერთობებზე ყველასთან, ვინც ხელმძღვანელობს და ცხოვრობს პრინციპით “ სილამაზე გადაარჩენს სამყაროს! ”. - პრეზენტაცია საინტერესოდ შედგა. იგი, კომპანიის წარმომადგენლებსა და მიწვეულ დიზაინერებს შორის საქმიანი დიალოგის რეჟიმში წარიმართა - წარმოჩენილმა პროდუქციამ დამსწრეთა მნიშვნელოვანი ინტერესი გამოიწვია. ყოველივე კი სასიამოვნო ფურშეტით დაგვირგვინდა.