არქიტექტორ - მოთხილამურეთა 32-ე შეხვედრა – სემინარი SKIA-2009
არქიტექტორ- მოთხილამურეთა 32-ე შეხვედრა – სემინარი SKIA-2009
2009 წლის 24-დან 28 თებერვლამდე ბაკურიანმა არქიტექტორ მოთხილამურეთა 32-ე შეხვედრა – სემინარს უმასპინძლა. ეს შეხვედრა მიზნად ისახავდა, მსოფლიო ეკონომიკური კრიზის ფონზე, არქიტექტურის და ქალაქმშენებლობის სფროში შექმნილი სირთულეების ირგვლივ დისკუსიების წარმართვას და მასში საზოგადოების ფართო ფენების, მათ შორის უმაღლესი სახელისუფლებო სტრუქტურების და ინტელიგენციის წარმომადგენლების ჩართვას. ამ პრობლემების გადაჭრის პროცესში არქიტექტორის პროფესიის სოციალური როლის წარმოჩენას და დამკვიდრებას.
შეხვედრა – სემინარი მიეძღვნა მოთხილამურე არქიტექტორთა საკავშირო კლუბის პირველ პრეზიდენტს ალიკა ჯაფარიძის ხსოვნას.ეს სიცოცხლით, იუმორით და შემოქმედებითი იმპულსებით სავსე ადამიანი იყო ერთ-ერთი მოთავე საერთაშორისო კლუბ SKIA-ს დაარსებისა 1977 წელს.
არქიტექტორთა ტრადიციული შეკრების თანმდევი იყო სამთომოთხილამრეთა შეჯიბრი გიგანტურ სლალომში, რომელიც სხვადასხვა ასაკობრივ ჯგუფებში გაიმართა. სულ შეჯიბრში 49 მონაწილე გამოვიდა.
საეთოდ, მოთხილამურე არქიტექტორთა შეკრება, როგორც ყოველთვის, გამოირჩეოდა სპორტული და შემოქმედებითი სულისკვეთების სიმბიოზით, მიმზიდველობით და ესთეტიური მშვენიერებით. ამ შეხვედრაზე ერთმანეთს ორგანულად ერწყმოდა არქიტექტორთა შემოქმედებითი სული და სპორტული აზარტი. ძალზე მომხიბლავი იყო ის კეთილგანწყობა, ურთიერთპატივისცემა და სიყვარული, რომელიც ამ შეკრებაზე სუფევდა.
