გამოფენა “იტალიური სტილი”.
ა.წ. 27 მარტს, საქართველოს ეროვნული მუზეუმმა, თბილისის ისტორიის მუზეუმმა წარმოადგინა გამოფენა “იტალიური სტილი”.
პროექტის ორგანიზატორი: საქართველოს ეროვნული მუზეუმი, თბილისის ისტორიის მუზეუმი, იტალიის საელჩო საქართველოში, სარტირანას ხელოვნების ფონდი.
“იტალიური სტილი – სამოსი და ავეჯი” წარმოადგენს უდიდესი იტალიელი დიზაინერების საინტერესო ნამუშევრებს. კარტელის, მირაბილის, ძანოტას ნივთები ამ ინოვაციურ კომპანიებთან ცნობილი არქიტექტორების და ავტორების მოლინოს, ტერანის, კასტილიონის, ჩეროლის, ონტანის და სხვათა ნაყოფიერი თანამშრომლობის ნათელი მაგალითია.
გამოფენის შთაგონების წყაროდ იქცა ხელოვნების სხვადასხვა დარგში, როგორებიცაა დეკორატიული ხელოვნება, შიდა დიზაინი და მოდა, იტალიელების შემოქმედების, ფანტაზიის და ინოვაციის თანდაყოლილი უნარი.
გამოფენასთან დაკავშირებით, 25 მარტს 3 საათზე, თბილისის ისტორიის მუზეუმში გაიმართა პრეს-კონფერენცია.
გამოფენა გაგრძელდა 27 აპრილამდე.
|